(Text: Michel Guillaume)

Et gi vill Déieren op der Welt
Mä et gëtt keent wat mir sou gefält
Am beschten do gefält mir dach, deng Miissi

Se ass sou duuss an och sou zaart
Zerkraatzt mer och emol de Baart
Mä trotzdem hunn ech se vill gär, deng Miissi

Schnurr schnurr, kraz kraz, miau miau, jo dat ass deng Miissi.

Huet se mol gespillt am Reen
Da war se naass bis un d`Been
Ob fiicht ob dréchen ech hunn se gär, deng Miissi

Huet se mol eng Maus verschlong
Katzt se mir déi op d’Schong
Mä ech kann hier net béis sinn, denger Miissi

Schnurr schnurr, kraz kraz, miau miau, jo dat ass deng Miissi.

Mä enges Daags do war se vreckt
Si huet keng Mëllech méi geleckt
Keen Toun méi huet se vun sech ginn, deng Miissi

E Camion huet se platt gemaach
Säit deem hunn ech ni méi gelaacht
Hunn se verbuddelt am Gaart beim Kiischtebam

Kräisch kräisch, schluchz schluchz, plärr plärr, se ass platt deng Miissi

Kräisch kräisch, schluchz schluchz, plärr plärr, se ass vreckt deng Miissi